Միգրացիոն պետական ծառայության պետը արտադրությո՞ւն է ծավալել

Mar 07, 2018 Comments Off on Միգրացիոն պետական ծառայության պետը արտադրությո՞ւն է ծավալել

«Փաստ» թերթը գրում է. «ՀՀ տարածքային կառավարման և զարգացման նախարարության միգրացիոն պետական ծառայության պետ Գագիկ Եգանյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Հայտարարագրից տեղեկանում ենք, որ Եգանյանը թվով վեց անշարժ գույք ունի՝ երկու բնակարան, երկու ավտոտնակ և մեկական այգետնակ ու արտադրական նշանակության շինություն: Նրան է պատկանում նաև «NISSAN MAXIMA 3.0» մակնիշի ավտոմեքենան:

Պաշտոնը ստանձնելու օրվա դրությամբ ունեցել է փոխառություններ, որոնք կազմել են 29 հազար 290 ամերիկյան դոլար, իսկ դրամական միջոցները՝ 10 հազար 500 ԱՄՆ դոլար և 5 միլիոն 200 հազար դրամ:

Եկամուտներն էլ ստացվել են աշխատավարձերից ու վարձակալության դիմաց ստացված վճարներից՝ ընդհանուր կազմելով 17 միլիոն 982 հազար դրամ»:

Առավել մանրամասն՝ թերթի այսօրվա համարում:

Գլխավոր Թողարկում, Մամուլ
Մեկնաբանությունները փակ են: