Խոշոր ավտովթար Երևանում. «Շեն Դեկոր» խանութ-սրահի դիմաց 22-ամյա վարորդը Nissan-ով բախվել է կայանված Honda-ին և «24»-ին. ՖՈՏՈՌԵՊՈՐՏԱԺ

Feb 14, 2018 Comments Off on Խոշոր ավտովթար Երևանում. «Շեն Դեկոր» խանութ-սրահի դիմաց 22-ամյա վարորդը Nissan-ով բախվել է կայանված Honda-ին և «24»-ին. ՖՈՏՈՌԵՊՈՐՏԱԺ

Երեկ՝ փետրվարի 13-ին, խոշոր ավտովթար է տեղի ունեցել Երևանում: Ժամը 21:10-ի սահմաններում Շիրակի փողոցում՝ «Շեն Դեկոր» խանութ-սրահի դիմաց, 22-ամյա Հայկ Խաչատրյանը իր վարած Nissan Teana մակնիշի 35 MV 573 համարանիշի ավտոմեքենայով բախվել է կայանված վիճակում գտնվող Honda մակնիշի 71 SG 007 համարանիշի և ГАЗ 2410 մակնիշի 62 OU 233 համարանիշի ավտոմեքենաներին: Ինչպես հայտնում ֆոտոլրագրող Գագիկ Շամշյանը, վթարի հետևանքով, բարեբախտաբար, զոհեր և վիրավորներ չկան: Դեպքի վայր են ժամանել Ճանապարհային ոստիկանության 1-ին սպայական գումարտակի 4-րդ դասակի աշխատակիցները: Վթարի մասին ՃՈ օպերատիվ կառավարման կենտրոնի պատասխանատու հերթապահ Կարեն Հովակիմյանը տեղեկությունը փոխանցել է Ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է ավագ հետաքննիչ Արամ Կարապետյանը, ում կողմից փաստի առթիվ նյութեր են նախապատրաստվում: Ոստիկանությունը պարզում է մյուս մեքենաների սեփականատերերի ինքնությունը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի

Գլխավոր Թողարկում
Մեկնաբանությունները փակ են: