Ինչու էին փորձում ձերբակալել Փաշինյանին

Feb 06, 2018 Comments Off on Ինչու էին փորձում ձերբակալել Փաշինյանին

ՀՀ ԱԺ Ելք խմբակցության դիմել է ՀՀ-ում Իտալիայի արտակարգ եւ լիազոր դեսպանին՝ Հռոմում Իտալիայի ոստիկանության ներկայացուցիչներն իրեն բերման ենթարկելու փորձի հետ կապված: Գրության մեջ ասվում է.

«Հայաստանի Հանրապետությունում

Իտալիայի հանրապետության

արտակարգ եւ լիազոր դեսպան,

Նորին գերազանցություն Ջովանի Ռիչուլիին.

Ձերդ գերազանցություն.

Ս/թ հունվարի 30-ին, Իտալիայի մայրաքաղաք Հռոմում Իտալիայի ոստիկանության ներկայացուցիչները ինձ բերման ենթարկելու փորձ են արել՝ պատճառաբանելով, որ Հայաստանի իշխանությունները Ինտերպոլի միջոցով իմ նկատմամբ հետախուզում են հայտարարել։

Հայաստանի ոստիկանությունը հայտարարել է, որ իմ նկատմամբ միջազգային հետախուզումը հանվել է դեռեւս 2009 թվականին։

Ելնելով վերը նշվածից՝ խնդրում եմ պարզաբանել, թե ի վերջո ի՞նչ հիմնավորմամբ էին Իտալիայի ոստիկանության ներկայացուցիչները փորձում ինձ բերման ենթարկել։

Կանխավ շնորհակալություն»:

Գլխավոր Թողարկում
Մեկնաբանությունները փակ են: