Խոշոր ավտովթար Երևանում. բախվել են Toyota Altezza-ն և Niva-ն. վերջինն էլ բախվել է էլեկտրասյանը. կան վիրավորներ

Feb 01, 2018 Comments Off on Խոշոր ավտովթար Երևանում. բախվել են Toyota Altezza-ն և Niva-ն. վերջինն էլ բախվել է էլեկտրասյանը. կան վիրավորներ

Այսօր՝ փետրվարի 1-ին, խոշոր ավտովթար է տեղի ունեցել Երևանում: Ժամը 17:20-ի սահմաններում Գարեգին Նժդեհ փողոցում՝ թիվ 54 հասցեի դիմաց, բախվել են ВАЗ 2121 մակնիշի 34 NC 673 համարանիշի և Toyota Altezza մակնիշի 01 AA 110 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով Niva-ն դուրս է եկել երթևեկելի գոտուց և բախվել էլեկտրասյանը, իսկ վարորդն ու 2 ուղևորները տեղափոխվել են Էրեբունի բժշկական կենտրոն: Դեպքի վայր են ժամանել Ճանապարհային Ոստիկանութան 1-ին սպայական գումարտակի 4-րդ դասակի աշխատակիցները: Վթարի մասին ՃՈ օպերատիվ կառավարման կենտրոնի պատասխանատու հերթապահ Կարեն Հովակիմյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետքննչական խումբը՝ բաժանմունքի պետ Ալբարտ Նազարյանի գլխավորությամբ: Տեղում աշխատանքները ղեկավարել է հետաքննիչ Աշոտ Դարբինյանը, ում կողմից փաստի առթիվ նյութեր են նախապատրաստվում: Ոստիկանությունը պարզում է վարորդների և վիրավորների ինքնությունը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Գլխավոր Թողարկում
Մեկնաբանությունները փակ են: