Չգիտեմ՝ մեզ համար առավելություն է, թե` թերություն …Աղվան Վարդանյանը՝Արմեն Սարգսյանի մասին

Jan 22, 2018 Comments Off on Չգիտեմ՝ մեզ համար առավելություն է, թե` թերություն …Աղվան Վարդանյանը՝Արմեն Սարգսյանի մասին

«ՀՀԿ-ն նախագահի շատ հետաքրքիր թեկնածություն է առաջադրել : Արմեն Սարգսյանը հետաքրքիր մարդ է իր մարդկային և պրոֆեսիոնալ որակների առումով։ Չգիտեմ՝ մեզ համար առավելություն է, թե` թերություն երկար ժամանակ իր՝ Հայաստանում ապրած չլինելը։ Հաճախ շեշտվում է անկուսակցական լինելը, որը որպես անհրաժեշտություն է շեշտվում, բայց ես չեմ կարծում, որ կուսակցական լինելն այնպիսի բան է, որը կարող է խանգարել մարդուն նախագահ լինել», –  լրագրողների հետ ճեպազրույցում ասաց ՀՀ ԱԺ ՀՅԴ խմբակցության քարտուղար Աղվան Վարդանյանը։

Հարցին, թե Արմեն Սարգսյանը երկար տարիներ չի ապրել Հայաստանում և արդյոք օրենքի խախտում չէ նրա՝ նախագահի թեկնածու առաջադրվելը, Աղվան Վարդանյանը պատասխանեց, որ դրանք արհեստական բարդություններ առաջացնող հարցեր են, քանի որ ցանկացած դեսպանատան տարածք, տվյալ երկրի տարածքն է համարվում։

ՀՅԴ-ն ոչ պաշտոնական հանդիպում է ունեցել Արմեն Սարգսյանի հետ, իսկ պաշտոնական հանդիպում կունենա մոտ ժամանակներս, որտեղ էլ կքննարկենք իրենց հուզող հարցերը,ասաց նա:Հայաստանի պետական քաղաքական  էլիտայում դրական առումով փոփոխություններ է նշմարվում՝ պաշտոններում առաջադրվող նոր մարդիկ որակական առումով և դրական հատկանիշներով տարբերվում են նախորդներից։

Դիտարկմանը, թե եթե Արմեն Սարգսյանը չընդունի Հանրապետականի առաջարկը, արդյոք կա այլ թեկնածու, ում իրենք տեսնում են նախագահի պաշտոնում, Աղվան Վարդանյանը նշեց, որ մինչև Արմեն Սարգսյանի թեկնածության մասին հայտարարվելը, մամուլում տարբեր անուններ են շրջանառվել, որոնց շարքում կային մարդիկ, ովքեր կարող էին հավակնել այդ պաշտոնին։

 

Գլխավոր Թողարկում
Մեկնաբանությունները փակ են: