Շղթայական ավտովթար Երևանում. Բաղրամյան պողոտայում բախվել են 2 Mercedes-ներն ու Mitsubishi-ն. ՖՈՏՈՌԵՊՈՐՏԱԺ

Jan 13, 2018 Comments Off on Շղթայական ավտովթար Երևանում. Բաղրամյան պողոտայում բախվել են 2 Mercedes-ներն ու Mitsubishi-ն. ՖՈՏՈՌԵՊՈՐՏԱԺ

Հունվարի 12-ին, շղթայական ավտովթար է տեղի ունեցել Երևանում: Ժամը 19:05-ի սահմաններում Բաղրամյան պողոտայում՝ թիվ 50 հասցեի դիմաց, բախվել են Գևորգ Բարսեղյանի վարած Mercedes մակնիշի 01 SS 015 համարանիշի, Հրաչյա Տիգրանյանի վարած Mercedes մակնիշի 88 FF 988 համարանիշի և Հրաչիկ Հակոբջանյանի վարած Mitsubishi մակնիշի 35 GM 007 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար զոհեր և վիրավորներ չկան: Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները: Վթարի մասին ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է ավագ հետաքննիչ Արամ Կարապետյանը, ում կողմից փաստի առթիվ նյութեր են նախապատրաստվում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի

Գլխավոր Թողարկում, Դեպքեր և իրադարձություններ
Մեկնաբանությունները փակ են: