Լոռու մարզում 48–ամյա վարորդը Mercedes-ով բախվել է մետաղյա խողովակին, տապալել Ստեփանավան անունը կրող ցուցանակը և հայտնվել դաշտում. կա վիրավոր. ՖՈՏՈՌԵՊՈՐՏԱԺ

Dec 30, 2017 Comments Off on Լոռու մարզում 48–ամյա վարորդը Mercedes-ով բախվել է մետաղյա խողովակին, տապալել Ստեփանավան անունը կրող ցուցանակը և հայտնվել դաշտում. կա վիրավոր. ՖՈՏՈՌԵՊՈՐՏԱԺ

դեկտեմբերի 29-ին, ավտովթար է տեղի ունեցել Լոռու մարզում: Ժամը 08:00-ի սահմաններում Արագածոտնի մարզի Կարմրաշեն գյուղի բնակիչ, 48-ամյա Կարեն Խաչատրյանը իր վարած Mercedes մակնիշի 3816 -17 HC տրանզիտ համարանիշի ավտոմեքենայով Լոռի-Բերդ –Ստեփանավան ավտոճանապարհի 1-ին կմ հատվածում դուրս է եկել ճանապարհի երթևեկելի գոտուց, բախվել մետաղյա խողովակին, այնուհետև Ստեփանավան անունը կրող ցուցանակին և հայտնվել դաշտում: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Կ. Խաչատրյանը մարմնական վնասվածքներով տեղափոխվել է Ստեփանավանի բժշկական կենտրոն: Դեպքի վայր են ժամանել Ճանապարհային Ոստիկանության 2-րդ սպայական գումարտակի 5-րդ վաշտի ծառայողները՝ հետաքննիչ Պետրոսյանի գլխավորությամբ: Դեպքի վայր են ժամանել նաև Ոստիկանության Ստեփանավանի բաժնի օպերատիվ խումբը՝ համայնքային Ոստիկանության բաժանմունքի պետ Թունյանի գլխավորությամբ: Փաստի առթիվ ՃՈ հետաքննիչ Պետրոսյանի կողմից նյութեր են նախապատրաստվում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Ռոբերտ Աբրահամյանի

Գլխավոր Թողարկում, Դեպքեր և իրադարձություններ
Մեկնաբանությունները փակ են: