Նրա նման պահվածքից ողջ դահլիճը շոկի մեջ էր. «Սկսվեց»‚ «Հապա հավաքե՛ք Ձեզ‚ սա ի՞նչ է»‚ «Նա իր իրական դեմքը ցույց տվեց» ասել են ներկա գտնվող փորձագետները:
Հուլիսի 19-ին, ժամը 13:00-ին <Հայելի> մամուլի ակումբում տեղի կունենա Միկրոձեռներեցության զարգացման <Կամուրջ> հիմնադրամի հիմնադիր և նախկին տնօրեն Գագիկ Վարդանյանի մամուլի ասուլիսը:
Թեմա՝ Նա կպատմի, թե ինչպես նախորդ բարձրագույն իշխանությունը, նաև Կենտրոնական Բանկի ղեկավարությունը, շանտաժի և արհեստական քրեական գործ հարուցելու միջոցով խլել են իր կողմից ստեղծված, ծաղկող և բազմամիլիարդանոց ակտիվներով միկրոֆինանսական կազմակերպության ղեկավարությունը, վերջինիս հասցնելով աղետալի վիճակի և այլնի մասին
Հուլիսի 19-ին՝ ժամը 12:00-ին, «Հենարան» մամուլի ակումբում կհյուրընկալվի քանդակագործ Լևոն Թոքմաջյանը:
ԹԵՄԱ՝ Առաջին հանրապետության հիմնադիր Արամ Մանուկյանի արձանի բացումը կայացել է. արձանի գեղագիտական տեսքն ու արձանի տեղադրման վայրի գնահատականը:
Հուլիսի 19-ին ժամը 12:00 Փաստարկ մամուլի ակումբի հյուրն է հրապարակախոս Գուրգեն Եղիազարյանը:
ԹԵՄԱ՝ Նոր Հայաստանի հասարակական-քաղաքական առանձնահատկությունները. իրողություններ և հեռանկարներ:
Հուլիսի 19-ին, ժ. 13.00-ին Sputnik Արմենիա մուլտիմեդիոն մամուլի կենտրոնում կկայանա մամուլի ասուլիս՝ «ՀԱԷԿ-ի վերակառուցումը և ատոմային էներգետիկայի ապագա հեռանկարները» թեմայով:
Լրագրողների հարցերին կպատասխանի ատոմային էներգետիկայի վետերանների Խորհրդի նախագահ, ՀԱԷԿ-ի նախկին գլխավոր տնօրեն Սուրեն Ազատյանը:
2018 թվականի հուլիսի 19-ին, ժամը՝ 17:15-ին, Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա Թատրոնի տնօրեն և գեղարվեստական ղեկավար Կոնստանտին Օրբելյանի մամլո ասուլիսը: Կամփոփվի Թատրոնի 85-րդ թատերաշրջանը, կներկայացվեն առաջիկա ծրագրերը, ինչպես նաև անդրադարձ կլինի Ռուսաստանի Մեծ Թատրոնում առաջիկա շաբաթ ներկայացվելիք Ա. Խաչատրյանի «Գայանե» բալետի ցուցադրությանը:
Մամլո ասուլիսին կհաջորդի «Ա. Սպենդիարյանի անվան օպերայի և բալետի ազգային ակադեմիական թատրոն. «Արշակ Բ» հայկական առաջին օպերայի150-ամյակը» թեմային նվիրված մեկ նամականիշով փոստային բացիկի մարման հանդիսավոր արարողությունը: Այնուհետև տեղի կունենա Տիգրան Չուխաջյանի «Արշակ Բ» օպերայի ցուցադրությունը՝ ՀՀ ժողովրդական արտիստ Բարսեղ Թումանյանի և ՀՀ վաստակավոր արտիստ Անահիտ Մխիթարյանի մասնակցությամբ:
Լրագրողների մուտքը Օպերային թատրոնի ծառայողական մուտքից, հուլիսի 19-ին, ժամը 17:15-ին:
