Չի կարող որևէ օրենք մտնել մարդկանց ընտանիքներ. Արփինե Հովհաննիսյան

Dec 07, 2017 Comments Off on Չի կարող որևէ օրենք մտնել մարդկանց ընտանիքներ. Արփինե Հովհաննիսյան

«Պետք չէ վերագրել այս օրենքին այնպիսի դեր, ինչպիսին այն չունի և չի կարող ունենալ:Մի վերագրեք այս օրենքին կարգավորիչ դեր, այս օրենքը չի հավակնում, նպատակադրում չի էլ եղել մտնելու մարդկանց ընտանիքներ, չի կարող որևէ օրենք մտնել մարդկանց ընտանիքներ: Մի վերապահեք այնպիսի դեր, որն ի սկզբանե բաժանարար գծեր է տանում, չկա այստեղ մեր և ձեր տեսակետ:Համաձայն չեմ դահլիճում հնչած այն տեսակետների հետ, որ օրենքի համատեքստում քննարկվում են մայրիշխանության կամ հայրիշխանության պայքարի հետ կապված խնդիրներ», –   ԱԺ-ում «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքի նախագծի քննարկումների ամփոփիչ ելույթում ասաց ՀՀ ԱԺ փոխնախագահ Արփինե Հովհաննիսյանը:

Արփինե Հովհաննիսյանը կոչ արեց կողմ քվերակել օրենքի նախագծին՝ նշելով, որ իրենք բաց են օրենքի վերաբերյալ պատգամավորների առաջարկներն ընդունել, որոնք վերջիններս կարող են ներկայացնել մինչև երկուշաբթի օրը:

Օրինագիծն առաջին ընթերցմամբ քվեարկության կդրվի վաղը:

Գլխավոր Թողարկում
Մեկնաբանությունները փակ են: