Կհստակեցվի առևտրային ցանցերի գերիշխող դիրք ունենալու հարցը

Oct 12, 2017 Comments Off on Կհստակեցվի առևտրային ցանցերի գերիշխող դիրք ունենալու հարցը

Կառավարությունն առաջարկություն ներկայացրեց «Տնտեսական մրցակցության պաշտպանության մասին» ՀՀ օրենքում փոփոխություն կատարելու մասին» ՀՀ օրենքի նախագծի վերաբերյալ, որը հեղինակն է Ազգային ժողովի Ծառուկյան դաշինք խմբակցությունը:

Տնտեսական զարգացման և ներդրումների նախարար Սուրեն Կարայանը նշեց, որ օրինագծի հեղինակների հիմնավորմամբ՝ անհրաժեշտ է սահմանափակում մտցնել շուկայում առաջատար երկու կամ երեք ընկերություններին միասին գերիշխող դիրք ունեցող ճանաչելու սահմանումներում:

«Կառավարությունն առաջարկում է նախագծով սահմանել, որ առևտրային ցանցը, որը հանդիսանում է չորս կամ ավելի առևտրային օբյեկտների համախումբ, կարող է համարվել գերիշխող դիրք ունեցող, եթե վերջինիս առևտրային գործունեության մասով իրացման տարեկան շրջանառությունը գերազանցում է 1.5 մլրդ դրամի շեմը»,- ասաց նախարարը՝ նշելով, որ առաջարկվում է նախագծում «500 մլն» բառերը փոխարինել «1.5 մլրդ» բառերով:

Լուրեր
Մեկնաբանությունները փակ են: