Պորոշենկոն մեկնել է ԱՄՆ

Սեպտեմբերի 27-ին, ժամը 12:00-ին Հայելի ակումբի հյուրն է ԱԻՄ առաջնորդ Պարույր Հայրիկյանը:

Թեմա՝ ԱԻՄ 30-ամյակ. ԱԻՄ-ի քաղաքական ներդրումը համաշխարհային քաղաքակրթության մեջ:

Սեպտեմբերի 27-ին, ժամը 10:00-ին «Մեծամոր» պատմահնագիտական արգելոց-թանգարանում կմեկնարկի «Մեծամորյան ընթերցումներ I» խորագրով միջազգային գիտաժողովը` նվիրված Հին Մերձավոր Արևելքի բրոնզի-երկաթի պարբերաշրջանների ամենանշանավոր հնագիտական հուշարձաններից մեկի՝ Մեծամորի 2016 թ. դաշտային հետազոտությունների և պեղումների արդյունքներին:

Գիտաժողովին մասնակցության հայտ են ներկայացրել Լեհաստանի, Հունգարիայի, Ռուսաստանի Դաշնության, Իտալիայի, Իրանի, Վրաստանի և Հայաստանի շուրջ 30 մասնագետներ:

Սեպտեմբերի 27-ին՝ ժամը 10:00-ին, «Արմենիա Մարիոթ» հյուրանոցում (Տիգրան Մեծ սրահ) տեղի կունենա Հայաստանի բարձր տեխնոլոգիաների ոլորտի 10-րդ՝ «ԱրմԹեք՛17» գործարար համաժողովը, որն անցկացվում է ՀՀ վարչապետի բարձր հովանու ներքո:

Լրատվամիջոցների ներկայացուցիչներին խնդրում ենք ներկայանալ համաժողովի բացումից 15 րոպե շուտ:

Սեպտեմբերի 27-ին, ժամը 11.00 «Տեսակետ» մամուլի ակումբի հյուրն է «Ընդդեմ իրավական կամայականությունների» ՀԿ գործադիր տնօրեն Լարիսա Ալավերդյանը: Թեման՝ «Արցախյան հիմնախնդիր. վերջին գործընթացներն ու զարգացումները: Իրաքի Քրդստանի անկախության հանրաքվեն և ժողովուրդների ազատ ինքնորոշման իրավունքը. զուգահեռներ»:

Սեպտեմբերի 27-ին՝ ժամը 11:00-ին Գերմանիայի դեսպանությունը հրավիրում է մամլո ասուլիսի «Գերմաներենի շաբաթ» միջոցառումների շարքի մեկնարկի կապակցությամբ։

Հայաստանում ներկայացված գերմանախոս հաստատությունները Շվեյցարիայի Համադաշնության դեսպանության և հայաստանյան գործընկեր կազմակերպությունների հետ միասին սեպտեմբերի 29-ից մինչև հոկտեմբերի 6-ը առաջարկում են համատեղ անցկացվող միջոցառումների շարք՝ ընթերցումներ, կինոցուցադրություն, ինչպես նաև երաժշտական միջոցառումներ, ֆուտբոլային մրցաշար և ակումբային հարցախաղ։

Ամբողջական ծրագիրը մամլո ասուլիսի ժամանակ կներկայացնեն Հայաստանում Գերմանիայի դեսպան Մաթիաս Քիսլերը, Շվեյցարիայի Համադաշնության դեսպան Լուկաս Գասերը և Ավստրիական փոխանակման ծառայության (OeAD) դասախոս Մորից Լենգլախները։

Սեպտեմբերի 27-ին ժամը 12.00-ին «Նոյյան Տապան» լրատվական գործակալության մամուլի սրահում (Իսահակյան 28. 3-րդ հարկ) տեղի կունենա ասուլիս՝ Հայաստանի Եզդիական համայնքի ներկայացուցիչների մասնակցությամբ։ Թեման՝ «1. Իրաքյան Քուրդիաստանի անկախացման հետևանքները եզդի ժողովրդի ապագայի համար. հնարավոր զարգացումներ և ակնկալիքներ։

2. Սեպտեմբերի 29-ին եզդիները նշելու են եզդիական սրբավայրի 5- ամյակը. օրվա խորհուրդը. իրականացվելիք միջոցառումները. կազմակերպիչները. մասնակիցները. հյուրերը (Հայաստան և այլ երկրներից եզդի պատգամավորներ)»։

Բանախոսներն են՝ Ռուստամ Բաքոյանը- արևելագետ, «Շամս մարդասիրական» ՀԿ նախագահ,Սաշիկ Սուլթանյան – ՀՀ նախագահին կից Ազգային փոքրամասնությունների խորհրդի անդամ, «Եզդիների ազգային կոմիտեի» փոխնախագահ

Սեպտեմբերի 27-ին՝ ժամը 12:00-ին, «Հենարան» մամուլի ակումբում կհյուրընկալվեն հյուրընկալության և զբոսաշրջության ոլորտի զարգացման փորձագետ Արթուր Ոսկանյանը և «Արմենիա Թրավել» տուրիստական ընկերության գլխավոր տնօրեն Հայկ Գրիգորյանը:

ԹԵՄԱ՝ սեպտեմբերի 27-ը Զբոսաշրջության համաշխարհային օրն է:

Սեպտեմբերի 27-ին, ժամը 12:00-ին Sputnik Արմենիա մամուլի կենտրոնում տեղի կունենա քրդագետ Կարեն Հովհաննիսյանի մամուլի ասուլիսը` «Քրդստանի անկախությանարդյունքները, դրա շուրջ զարգացող իրադարձությունները, հայերի դերն ու նշանակությունը» թեմայով։

Սեպտեմբերի 27-ին՝ ժամը 12.00-ին, «Պոստ Սկրիպտում» մամուլի ակումբի հյուրն է թուրքագետ Մուշեղ Խուդավերդյանը: Քննարկման թեման՝ Իրաքյան Քուրդիստանի անկախության հանրաքվեն և դրա շուրջ տարածաշրջանային զարգացումների հավանական սցենարները Մերձավոր Արևելքում:

Սեպտեմբերի 27-ին, ժամը 12:00-ին «Մեդիա կենտրոնում» (հասցե`Սարյան 12, 3-րդ հարկ) տեղի կունենա մամլո ասուլիս, որի ընթացքում կներկայացվի «Դեպի Հյուսի՞ս, թե՞ Արևմուտք դիրքորոշումներ» հասարակական կարծիքի ուսումնասիրության արդյունքները 2014-2017 թթ համեմատական տվյալներով:

Բանախոսներն են՝ Արթուր Սաքունց` ՀՔԱ Վանաձորի գրասենյակի նախագահ,Ռուբեն Սագսյան` «Հասարակական հետազոտությունների առաջատար խումբ» ՀԿ-ի (APR Group) նախագահ Արտգործնախարար Էդվարդ Նալբանդյանի և Եվրոպայի և

Ամերիկաների հարցերով պետնախարար Ալեն Դանքնի հանդիպումը տեղի կունենա սեպտեմբերի 27-ին, ժամը՝ 15:40:

Օպերատորներն ու լուսանկարիչները հրավիրվում են հավատարմագրվելու արարողակարգային նկարահանումների համար՝ ԱԳՆ մամուլի, տեղեկատվության և հասարակայնության հետ կապի վարչությունում մինչև սեպտեմբերի 27-ը, ժ. 13:00: Հանդիպումից հետո՝ ժամը 16:50, արտգործնախարար Էդվարդ Նալբանդյանը և Եվրոպայի և Ամերիկաների հարցերով պետնախարար Ալեն Դանքնը հանդես կգան համատեղ մամուլի ասուլիսով: Լրագրողները, օպերատորներն ու լուսանկարիչները հրավիրվում են՝ հավատարմագրվելու ԱԳՆ մամուլի, տեղեկատվության և հասարակայնության հետ կապի վարչությունում մինչև սեպտեմբերի 27-ը, ժ. 13:00:

“ՄԱԴԱԹՅԱՆ” Հոգեբանական Կենտրոնը ս.թ. սեպտեմբերի 28-ին ժամը 14:30-ին հրավիրում է Ձեզ ներկա գտնվելու Հայաստանում ԱՌԱՋԻՆ և ՄԻԱԿ «Մարդկայինռեսուրսների կառավարման հոգեբանական ծառայության» շնորհանդեսին, որը տեղի կունենա Անի Պլազա հյուրանոցի ԴՎԻՆ սրահում: Սիրով հրավիրում ենք ձեզ, սեպտեմբերի 27-ին՝ ժամը 15։45-ին, «Անի պլազա հոթել» (հասցե՝ Երևան, Սայաթ-Նովայի պող. 19 շենք)՝ լուսաբանելու առևտրատնտեսական համագործակցության հարցերով հայ-ղազախական միջկառավարական հանձնաժողովի 7-րդ նիստը:

Հայ-ղազախական միջկառավարական հանձնաժողովի հայկական կողմի համանախագահն է ՀՀ տնտեսական զարգացման և ներդրումների նախարար Սուրեն Կարայանը, ղազախական կողմի համանախագահն է Ղազախստանի ներդրումների և զարգացման նախարար Ժենիս Կասիմբեկը:Նիստը կվարեն․ հայկական կողմից՝ ՀՀ ԱԳՆ փոխնախարար Ռոբերտ Հարությունյանը, ղազախական կողմից՝ Ղազախստանի ներդրումների և զարգացման փոխնախարար Երլան Խաիրովը։ Նիստին կմասնակցի ՀՀ տնտեսական զարգացման և ներդրումների փոխնախարար Հովհաննես Ազիզյանը

Սեպտեմբերի 27-ին, ժամը՝ 18:00-ին, Կույրերի Միավորման դահլիճում տեղի կունենա ՀՀ ազգային հերոս Մոնթե Մելքոնյանի 60 և Արցախյան ազատամարտի հերոս Լեոնիդ Ազգալդյանի 75-ամյա հոբելյաններին նվիրված համերգ:

Սեպտեմբերի 27-ին՝ ժամը 19:00-ին, «Նարեկացի» արվեստի միությունում տեղի կունենա հանդիպում կինոռեժիսոր, դերասան, սցենարիստ, պրոդյուսեր Վիգեն Չալդրանյանի հետ:Հանդիպման ընթացքում կցուցադրվի նաև «ՄՈՏՈՐ… ՍՏՈՊ…» ըստ Վիգեն Չալդրանյանի» ֆիլմը:

Սեպտեմբերի 27-ին ժամը 19:00 ՝Կոմիտասի անվան Կամերային երաժշտության տանը «Մշակութային կրթության աջակցության» հիմնադրամի նախաձեռնությամբ տեղի կունենա Հայաստանի Պետական Կամերային Նվագախմբի համերգը: Համերգի ծրագրում ընդգրկված են Ցիմբալիստի «Ֆանտազիա Ռիմսկի-Կորսակովի Ոսկե Աքաղաղ օպերայի թե» մաներով , Ստրավինսկու «Իտալական սյուիտ թավջութակի և լարայինների համար», Բրուխի «Коль Нидрей» և Բրամսի «Հունգարական պարեր» ստեղծագործությունները