Դատախազությունն իր տեղում չի գտնվում. Մենուա Սողոմոնյան
Դատախազությունն իր տեղում չի գտնվում: Այս իրավիճակում վաղուց արդեն Դատախազությունը քրեական վարույթ պետք է հարուցած լիներ, դա չպետք է անեին քաղաքացիները: Սահմանազատումն ու սահմանագծումը արվում են ՀՀ Սահմանադրությանն ու օրենքներին հակասող ձևով: Այս մասին այսօր՝ մայիսի 3-ին, Գլխավոր Դատախազության շենքի մոտ «Հայաքվե» նախաձեռնության իրականացրած բողոքի ակցիայի ժամանակ ասաց Մենուա Սողոմոնյանը:
«Մեկմու կես տարի առաջ առերևույթ պետական դավաճանության մասին հաղորդում է ներկայացվել, բայց պատշաճ քննություն չի ընթացել, պատճառն այն է, որ այս կառույցը ղեկավարող անձը՝ Աննա Վարդապետյանը քաղաքականացված է: Ժամեր առաջ Աննա Վարդապետյանը, որը մինչ այս պաշտոն զբաղեցնելը եղել է Նիկոլ Փաշինյանի օգնականը, արել է հայտարարություն, որտեղ ասել է, որ պատերազմում մեր պարտության պատճառներից մեկն էլ այն է , որ այդ օրերին բարձրաստիճան պաշտոնյաների կանայք առևտուր են արել որոշ երկրներում»,-նշեց «Հայաքվե» նախաձեռնության անդամը:
Հետևեք մեզ Viber-ում
