Ալեն Սիմոնյանը ճիշտ է ասում. իրենք առևտուր արեցին ու հանձնեցին Արցախը. Գառնիկ Դանիելյան
Ալեն Սիմոնյանը ճիշտ է ասում, առևտուր արեցին ու հանձնեցին Արցախը: Այս մասին այսօր՝ մայիսի 21-ին, ԱԺ-ում լրագրողների հետ զրույցում նշեց «Հայաստան» խմբակցության պատգամավոր Գառնիկ Դանիելյանը՝ անդրադառնալով ԱԺ նախագահ Ալեն Սիմոնյանի այն հայտարարությանը, թե քաղաքականությունն առևտուր է, ի՞նչ գործ ունի հոգևորականը քաղաքականության մեջ:
«Առեւտուր արեցին ադրբեջանցիների հետ եւ մեր պատմական Արցախը նվիրաբերեցին նրանց: Հիմա էլ նվիրաբերում են Տավուշի մարզը, առաջնագիծը նվիրաբերում են: Ադրբեջանն ստանում է առաջնագիծը, ստանում է Կիրանց գյուղը, ստանում է Ոսկեպարի ներքեւի հատվածը, Բաղանիսի վերեւի հատվածը: բայց լավ կլինի, որ առեւտուր չանեն, մի քիչ ազգային, հայկական լինեն, մեջները մի քիչ խիղճ, բարոյականություն, հայկականություն լինի»,-ասաց նա: