Փաշինյանը, եթե զգա ինքը սխալ բանա արել, ինքը հրաժարական կտա. Գագիկ Մելքոնյան

Փաշինյանին քվե տվողների կեսը եթե դուրս գա հրապարակ՝ Փաշինյանը հրաժարական կտա։

Այս մասին 24News-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը։

«Իշխանափոխություն չի կարող լինել։ Ես վստահ եմ, որովհետև տեսնում եմ այն մարդիկ ովքեր որ հավաքված են այդտեղ նախկիններն են, աբիժնիկներն են, որ հավաքված են իրար գլուխ և ամեն անգամ մի աբիժնիկ գալիս միանումա է շարժմանը։

Առաջին օրը տասնյակ հազար քաղաքացի եմ տեսել, դրանից հետո ես էլ էդ տասնյակ հազարները չեմ տեսել։

Ինչքան մարդ ընդդիմության ձայն են տվել, տեսնենք ամսի 26-ին 200,000 մարդ կհավաքվեն։

300,000 մարդ պետք է դուրս գա փողոց, որ իշխանափոխություն լինի, Փաշինյանին քվե տվողների կեսը եթե դուրս գա հրապարակ, Փաշինյանը հրաժարական կտա,-» ասել է Մելքոնյանը։

«Ես չեմ տեսնում օբյեկտիվ հիմքեր, որ Փաշինյանը պետքա հրաժարական տա։ Ես համոզված եմ, որ Փաշինյանը զգա ինքը սխալ բանա արել, ինքը հրաժարական կտա։ Եթե իշխանափոխություն են ուզում անել, ամեն օր հրապարակում 200 հազար մարդ պետք է հավաքվի։

Մինչև հիմա իրանք իրենց թեկնածուն չեն կարողանում ասեն՝ ում հետևից է գնալու ժողովուրդը։ Ով ուզում է վարչապետի թեկնածու լինի, նրանք այսօրվա դրությամբ չեն կարող որևէ բան անել։

Արցախը Արցախի ղեկավարություննա կորցրել։ Հեղափոխություն արեցին ու 10 օր հետո գնացին Արցախը հանձնեցին, վերցրին ժողովրդին ու տեղափոխվեցին Հայաստան։

Իսկ հիմա եկել են այստեղ, իշխանությունն են ուզում փոխել,-» ավելացրել է նա։