Հանդարտվեք, խաղաղ հետ գնացեք ու մի փորձեք ժողովրդին ահաբեկել․ Տավուշի թեմի առաջնորդը հանդարտեցնում է ոստիկաններին
Ժուռնալիստների միության շենքի դիմաց ոստիկանական մեծաթիվ ուժեր են կենտրոնացվել։ Կարմիրբերետավորներին դիմելով՝ Բագրատ Սրբազանն ասաց՝ իրենց տրամադրությունը կարգ խանգարելը չէ, մարդկանց ապօրինի բռնել տարել են։
«Ոչ ոք ձեզնից չի վախենում։ Եթե որևէ ավելորդ քայլ անեք, խոստանում եմ, որ լինելու է ամբողջը ձեր պատասխանատվության վրա և ամեն ինչի վերջը։ Հանդարտվեք, խաղաղ հետ գնացեք ու մի փորձեք ժողովրդին ահաբեկել։ Մեր ոչ տրամադրությունն է այդպիսին, ոչ էլ՝ տրամաբանությունը, հետևաբար, ահաբեկում չանեք։ Այս տղաներին բերել եք ահասարսուռ տեսարան ստանալու՞ համար։ Մեր տրամադրությունը կարգ խախտելը չէ, ձերը՝ հրահրելն է»,- ասաց Բագրատ Սրբազանը՝ նշելով, որ, եթե որևէ մեկը կարգ է խախտում, թող ոստիկանները տեղեկացնեն, ինքը կսաստի։
Հաջորդիվ՝ Բագրատ Սրբազանը քաղաքացիներին խնդրեց երթևեկելի հատվածում չկանգնել, թեև իրականում հենց ոստիկաններն են փակել ճանապարհը։
Աղբյուր` Փաստինֆո