Ադրբեջանն ասում է Հայաստանը Արևմտյան Ադրբեջանն է, ողջ Հայաստանը տանք ու խաղաղ իրենց տիրապետության տակ ապրե՞նք. Դանիելյան
«Շատ բարձր եմ գնահատում արթնացման այս գործընթացը։ Մարդիկ հուսալքված էին, շատերն էլ մտածում էին, որ որևէ բան անել այլեւս հնարավոր չէ, որ մեր ժողովուրդը քնած է, անտարբեր է: Մենք կարողացանք մեր քայլերի, գործողությունների միջոցով արթնացնել: Դա հեշտ չէր», - Գրիգոր լուսավորիչ եկեղեցու մոտ լրատվամիջոցներին ասագ ՀՀ ԱԺ «Հայաստան» խմբակցության պատգամավոր Գառնիկ Դանիելյանը՝ նշելով, ամենաշատն իրենք են ցանկանում, որ գործընթացը շուտ հասնի տրամաբանական ավարտին:Ես եւ սրբազան հայրը, մեր ընկերները օր ու գիշեր աշխատել ենք, պտուղները տվել է: Մարդկանց, որոնք մտածում են շատ արագ փոփոխությունների մասին, կասեմ, որ հենքը, որ ստեղծել ենք, շատ կարևոր է եւ հիմա կան կազմակերպչական գործեր, որոնք պետք է կատարվեն, երեկ ամբողջ օրն այդ գործին էինք լծված, ոչ մեկ չի հանգստացել», ասըլ է Դանիելյանը։
Նա ճիշտ չի համարում լիդերի անուն անընդհատ հնչեցնելու պահանջը:
«Պրոցեսներ են գնում, սա համաժողովրդական շարժում է։ Կներեք, համեմատական եմ անում, սա, կարծես թե, 88-ի Արցախյան շարժման վերածնունդն է, կա հստակ առաջնորդություն՝ սրբազան հոր գլխավորւթյամբ, թողե՛ք իր հունով առաջ գնա: Մարդիկ հավատում ու վստահում են սրբազան հորը, կա վարկանիշ պետք է դա շարունակել», ասել է նա։
Դանիլյանի փոխանցմամբ՝ առաջիկայում 15 երկիր ևս միանալու է:
«Սա իրապես համազգային շարժում է, այստեղ ներառված են և մեր Արցախի քույր եղբայրները, եւ բազմաթիվ երկրներոց՝ Գերմանիայից, Չեխիայից, Լիբանանից, Կանադայից գալիս են աջակցության:Տոմսեր են գնում, որ գան, երեկ տարբեր երկրներից ինձ անծանոթ մարդիկ զանգել, ասել են, որ գալիս են», - նշել է գործիչը։
«Ադրբեջանն ասում է Հայաստանը Արևմտյան Ադրբեջանն է, իրենց թեզը ո՞րն է , ողջ Հայաստանը տանք ու խաղաղ իրենց տիրապետության տակ ապրե՞նք, նման ապրելը, ո՞վ է պատկերացնում: Արևմտյան Ադրբեջանի հեռուստաընկերություն, ֆուտբոլային ակումբ են բացում, վերջում մեր ազգը հանձնե՞նք ասենք խաղաղ ապրե՞նք: Սրանք թուրք ադրբեջանական շահերն են սպասարկում, իրենցից պետք է ազատվենք», - ընդգծել է Դանիելյանը։
Աղբյուր` Փաստինֆո
Հետևեք մեզ Viber-ում
