Ով է Նիկոլ Փաշինյանի որդու՝ Աշոտիկի հոգևոր հայրը

Վարչապետ Նիկոլ Փաշինյանի որդին՝ Աշոտ Փաշինյանը հասարակության մեջ հակասական և տարօրինակ կերպար է։ Ժամանակ առ ժամանակ կամ ինքն է որևէ արարքով իր մասին հիշեցնում, կամ ծնողներն են որևէ կերպ հիշեցնում որդու մասին։ 

Վերջին շրջանում հատկապես նա աչքի ընկավ իր  պահվածքով , հայրը ասուլիսի ժամանակ հիշեցրեց որդու մասին ու այսպես շարունակ։

Մեկ գարեջուր է վաճառում, մամուլը սկսում է խոսել նրա մասին, մեկ հայտարարում են, թե նա նկարում է և կազմակերպում են Աշոտիկի ցուցահանդեսը, հասարակության մեջ երևում է տարօրինակ հագուստով և տարօրինակ ընկերների  ընկերակցությամբ։ Մի  տարօրինակ տեսանյութում էլ օրինակ նա անհասկանալի միջավայրում էր և իրականությունից կտրված պարում էր։ Վերջին դեպքը հատկապես մեծ աղմուկ բարձրացրեբ, երբ հայտնվեց զոհված զինծառայողների ծնողների շրջապատում, ինքնակամ նստեց նրանցից մեկի մեքենան՝ Եռաբլուր գնալու մտադրությամբ, հետո իրեն նետեց մեքենայից, և հայտարարեցին, թե Աշոտիկին փորձել են առևանգել։

Պարզվում է սակայն, որ Աշոտիկի գործողությունները այնքան էլ ինքնաբուխ չեն․  վերջինս հոգևոր հայր ունի, և հավանաբար հենց նա էլ ղեկավարում է վարչապետի որդուն։ Որքան էլ տարօրինակ թվա, սակայն այդ մարդը քաղաքագետ Հմայակ Հովհաննիսյանն է ։ Աշոտ Փաշինյանը շատ հաճախ է այցելում Հմայակ Հովհաննիսյանին, երկար ժամանակ մնում նրա բնակարանում, 2-3 ժամ զրուցում նրա հետ, իսկ քաղաքագետին էլ խանգարող ոչինչ չկա․ նա բնակվում է միայնակ։

Նշենք, որ Հմայակ Հովհաննիսյանը Մարտիրոս Սարյանի արձանի մոտակայքում բավականին մեծ տարածք ունի, որը վարձակալության է տրված, նույն տարածքում ունի նաև բավականին մեծ և հարմարավետ բնակարան։ Հարկ է հիշեցնել, որ վերոնշյալ բնակարանն ու տարածքը Հմայակ Հովհաննիսյանը ձեռք է բերել նախկին իշխանությունների օրոք, սակայն դա նրան չի խանգարում, որ նա քննադատի նախկիններին ու ուղղորդի Նիկոլ Փաշինյանի որդուն։