Խեղդվածի ինքնությունը հայտնի է

Ոստիկանությանը հաջողվել է պարզել այսօր՝ մայիսի 2-ին, Վաղարշապատ քաղաքի Արամ Մանուկյան փողոցի թիվ 13 շենքի մոտ գտնվող ջրանցքում հայտնաբերված խեղդված տղամարդու ինքնությունը:
Ինչպես hayeli.am–ին հայտնեց ֆոտոլրագրող Գագիկ Շամշյանը, նա Էջմիածին քաղաքի բնակիչ, 39-ամյա Անդրեյ Հովհաննիսյանն էր:
Ավելի վաղ Շամշյանը հայտնել է, որ այսօր՝ մայիսի 2-ին, ժամը 14.30–ին, անհայտ քաղաքացուց Ոստիկանության Վաղարշապատի բաժին ահազանգ էր ստացվել, որ Վաղարշապատ քաղաքի Արամ Մանուկյան փողոցի թիվ 13 շենքի մոտ գտնվող ջրանցքում մարդ էր խեղդվել: